Foirmeacha Oifigiúla

A bhfuil sa reachtaíocht:

Dualgas comhlachtaí poiblí maidir le foirmeacha oifigiúla

9B. (1) Chun ábhar agus leagan amach foirmeacha oifigiúla comhlachta phoiblí a fhorordú féadfaidh an tAire, tar éis dul i gcomhairle le cibé Aire den Rialtas (más ann) is cuí leis an Aire ag féachaint d’fheidhmeanna an chomhlachta phoiblí, an comhlacht a fhorordú chun críocha an ailt seo.
(2) Féadfaidh an tAire, le linn comhlacht poiblí a fhorordú faoi fho-alt (1), a fhorordú gur i nGaeilge nó i nGaeilge agus i mBéarla araon a bheidh ábhar agus leagan amach foirmeacha oifigiúla an chomhlachta phoiblí agus féadfar forálacha éagsúla a dhéanamh i ndáil le comhlachtaí
poiblí éagsúla nó le foirmeacha oifigiúla éagsúla.
(3) Le linn ábhar agus leagan amach foirmeacha a fhorordú faoi fho-alt (2), beidh aird ag an Aire ar na nithe seo a leanas i gcás gur i nGaeilge agus i mBéarla araon a bheidh téacs san fhoirm oifigiúil lena mbaineann:
(a) an t-ord ina mbeidh an téacs i ngach teanga san fhoirm oifigiúil;
(b) feiceálacht, infheictheacht, inléiteacht, méid, cló, cuma fhoriomlán agus stíl téacs teanga amháin san fhoirm oifigiúil i leith théacs na teanga eile;
(c) an gá atá ann go gcuirfear an teachtaireacht chéanna in iúl le gach ceann de na teangacha oifigiúla;
(d) an modh ar a mbeidh teideal le húsáid roimh ainm duine nó i ndiaidh ainm duine san fhoirm oifigiúil, go háirithe faoi threoir aitheantas a thabhairt do na foirmeacha éagsúla de na teidil sin i ngach teanga;
(e) an modh ar a bhféadfar focail ghiorraithe a úsáid i ngach teanga.
(4) Le linn ábhar agus leagan amach foirmeacha a fhorordú faoi fho-alt (2), beidh aird ag an Aire ar na nithe seo a leanas i gcás gur i nGaeilge amháin a bheidh téacs san fhoirm oifigiúil lena mbaineann:
(a) an modh ar a mbeidh teideal le húsáid roimh ainm duine nó i ndiaidh ainm duine san fhoirm oifigiúil, go háirithe faoi threoir aitheantas a thabhairt do na foirmeacha éagsúla de na teidil sin i ngach teanga;
(b) an modh ar a bhféadfar focail ghiorraithe a úsáid i ngach ceann de na teangacha.

An uair a thiocfaidh an fhoráil reachtaíochta seo i bhfeidhm

Níor tugadh tosach feidhme do na forálacha seo fós.

A bhfuil i gceist leis seo domsa, úsáideoir seirbhísí as Gaeilge:

Agus tú ag déileáil le comhlacht a thagann faoi scóip na reachtaíochta, tá sé de cheart agat na nithe seo a leanas a fháil i dtaca leis na foirmeacha oifigiúla a ndéantar foráil ina leith:

Go bhfuil ábhar agus leagan amach na foirme i nGaeilge ar aon dul leis an leagan Béarla
Go bhfuil ábhar an leagain Ghaeilge san ord céanna leis an leagan Béarla
Go bhfuil an téacs sa leagan Gaeilge comhionann leis an téacs sa leagan Béarla i ndáil le feiceálacht, le hinfheictheacht, le hinléiteacht, le méid, le cló, agus le cuma agus stíl trí chéile
Go bhfuil an teachtaireacht chéanna sa leagan Gaeilge agus sa leagan Béarla
Go bhfuil teidil duine ag teacht leis na rialacha a leagtar amach faoi Ainmneacha, Seoltaí agus Teidil
Go bhfuil ábhar agus leagan amach na foirme i nGaeilge ar aon dul leis an leagan Béarla

A bhfuil i gceist leis seo dúinne, soláthróir seirbhísí as Gaeilge:

Ní mór don chomhlacht ainmnithe a sholátharaíon seirbhísí as Gaeilge a chinntiú i dtaca le foirmeacha oifigiúla oifigiúla a ndéantar foráil ina leith na nithe seo a leanas a chinntiú:

Go bhfuil ábhar agus leagan amach na foirme i nGaeilge ar aon dul leis an leagan Béarla
Go bhfuil ábhar an leagain Ghaeilge san ord céanna leis an leagan Béarla
Go bhfuil an téacs sa leagan Gaeilge comhionann leis an téacs sa leagan Béarla i ndáil le feiceálacht, le hinfheictheacht, le hinléiteacht, le méid, le cló, agus le cuma agus stíl trí chéile
Go bhfuil an teachtaireacht chéanna sa leagan Gaeilge agus sa leagan Béarla
Go bhfuil teidil duine ag teacht leis na rialacha a leagtar amach faoi Ainmneacha, Seoltaí agus Teidil
Gan focail a ghiorrú sa leagan Gaeilge nár giorraíodh sa leagan Béarla e.g. June / Meith.